Goobne Chicken -- 最愛炸雞

Goobne Chicken係韓國已經食過幾次，香港就第一次食。上星期係旺角食等咗成一個半鐘都等唔到位。今次一早就BOOK定位啦點幾去到入面都已經有好多人啦~

地方雖然比旺角個間細....但都坐得好舒服同韓國一樣每張枱都有放左夾和膠手套的小鐵桶，攞起餐具又可放骨頭，超方便。

蜜糖咖喱烤雞，份量好多，但最估唔到蜜糖和咖喱都可以咁夾，雞皮烤得夠脆，雞肉夠哂嫩滑，真係超正呀~食完仲想再食



芝士炒年糕真係超辣，但加埋芝士一齊食辣味就無咁勁啦~個公仔麵硬度煮得硬左少少，但我喜歡食硬少少既公仔麵所以OK啦~朋友就話太硬。



飲品方面我飲左Blue orangeade，冰塊及藍色糖漿打成冰沙，加埋一塊橙係上面，飲完只係覺得係波子汽水沙冰。其他2杯我就無飲，就不評論啦~







整睇黎講都係好好食，下次要再去食過


Goobne Chicken
地址: 尖沙咀赫德道4號The Hart 2樓

Continue reading →

Hello Kitty 中菜軒 -- Hello Kitty 迷一定要去

朋友嘅最愛Hello Kitty，佢又點會錯過嚟一間Hello Kitty 中菜軒呢~約埋幾個朋友一齊去朝聖啦!!去到門口已經見到個招牌係用咗Hello Kitty 既LOGO啦~餐廳入面嘅裝修就好有中國風加埋用Hello Kitty做主題真係好特別呀~餐廳嘅茶壺、餐具和濕紙巾都印有Hello Kitty嘅圖案

終於有得食啦!我地叫咗Hello Kitty生炒糯米飯，Hello Kitty馬拉糕，Hello Kitty翡翠蝦球蛋白飯同Hello Kitty蝦餃。不過Hello Kitty蝦餃唔記得影相呀~

 

講下個Hello Kitty生炒糯米飯先，食落同出面普通糯米飯無咩分別，飯比較濕唔覺得係生炒糯米飯。

Hello Kitty翡翠蝦球蛋白飯，賣相比較吸引，蟹子蝦球夠唒爽口，蛋白汁就分開兩邊放，飯嘅底層居然係蒸水蛋真係估佢唔到~

Hello Kitty馬拉糕就蒸得好鬆軟，唔係太甜，細細個食完唔會太飽

喜歡Hello Kitty既朋友都可以嚟朝聖一下，影下相都OK~



Hello Kitty 中菜軒
地址: 佐敦廣東道332-338號利來洋樓A至C地舖

Continue reading →