今次就去食CWB既Dazzling Cafe。佢同尖沙咀一樣都係好多人排隊...不過好在冇尖咀咁多人。平時夜晚上想係尖沙咀食Dazzling Cafe係冇可能既事...因為一早已經冇籌啦。我地等左成30分鐘先有檯，如果好肚餓就真係食少少先好黎排隊。
明太子意粉係我既最愛每次黎dazzling Cafe都一定要叫, 但我覺得冇尖沙咀咁好，忌廉汁唔夠撈埋個意粉都冇咩味道，明太子同紫菜就好多。有D失望
檸檬青醬雞腿麵諗住青醬會蓋過D檸檬味，但係食落口又幾夾！雞腿好大塊，夠滑唔會煮到好乾身。
薄荷朱古力，係朋友飲，佢話薄荷味好重
仲夏熱帶水果茶，一壺放上來，自己添加。杯入面既水果有蘋果和無核紅提，蘋果放在杯中好耐都唔變黃。味道唔算濃，帶有少許橙香和茶的澀味，配上水果粒的咬口別有一番滋味
Dazzling...
