今日約了朋友傾去旅行的行程，我地選擇咗一間食德國菜的餐廳，有我一直都想食的咸豬手。餐廳的裝飾好有外國的感覺，如果一大班朋友來看足球都是一個唔錯的選擇，超大電視放在中間，一邊食一邊睇氣氛一定好好。想成班朋友自己玩，其實餐廳還有房可以Book，開Party都唔錯
海鮮蕃茄清湯是其他餐廳比較少有的湯，而湯入面有蝦、帶子、紅蘿蔔和西芹，味道清甜。自己就比較喜歡一開始飲一些清清地的湯，再吃濃味的食物
而朋友的傳統匈牙利熟嫩牛肉湯，朋友話好足料，有好多牛肉又淋。湯好濃味搭配麵包一起食剛剛好
統德國香腸沙律伴酸甜青瓜及芝士，沙律大份，新鮮蔬菜加上香腸和酸甜的青瓜配合果醋橄欖油，感覺酸酸地好開胃，一陣個胃可以有位食主菜啦
Schnee (Lychee and Apple) , 感覺好似荔枝和蘋果的梳打味飲品，好好飲
朋友的Sukura (Watermelon and Milk)
我的主角出場，招牌脆皮燒德國咸豬肘伴酸椰菜烤燒薯角，待應送到我地面前問我地需要切開一件件，我們話要，但比我影張相先，因為真係好大隻呀，好吸引~咸豬手切開之後方便食用，皮真是脆卜卜，有少少的肥，肉質夠淋又唔咸。平時食開的都係好咸食兩至三件就要收手，今次可以食多幾件都得~仲有配菜是不能少的，有薯角和酸椰菜，我就喜歡將咸豬手加上酸椰菜一起食，可以減少油膩感。醬汁喜歡的可以配黃芥末
低溫魷魚鮮蝦墨魚汁意大利飯，兩隻大蝦爽口彈牙，有好多的魷魚，但味道比較淡。食完墨魚汁飯真係要飲多幾啖水清潔牙齒呀
食完野點都一定要食甜品，日本黑芝麻芝士餅，第一次食用黑芝麻製作的芝士餅，芝麻味好重，喜歡食芝麻糊的朋友一定會喜歡
MOVENPIC雲呢拿雪糕，底層有餅乾碎，面層有Cream，一個甜品三種口感~
下次約多幾個朋友一齊再食過，可以叫多D野食
Schnee German Restaurant
地址: 銅鑼灣駱克道447-449號中威商業大廈1樓
