美中.鴨子 -- 環境一流，食身普通

呢間美中鴨子平時好多人排隊食，朋友今日放假一早就去拎位，六點前去都唔會太多人等位，過咗六點之後人流就會多。環境唔錯，有的位置仲可以望海，一邊食一邊望海景同朋友傾計好唔錯。

上海小籠包，一籠有六隻，皮都適中唔會太厚，餡料足咬落口肉汁會流出來。

桂花糕凍伴鴨件，面層是脆皮鴨件夠香脆，中間是青瓜和桂花凍，底層是薯片。雖然食落口有四種口感，但一D都唔夾，自己就不是太喜歡。下次都是叫北京填鴨算了。

拌麵係最好食，少許辣的肉粒、青瓜絲和粗麵一齊拌好夾，而且粗麵爽口彈牙。

美中.鴨子
地址:  尖沙咀廣東道17號海港城港威商場3樓3319號舖