同成班同事去打邊爐，呢到既環境好靚，裝修又特別，座位舒服。
首先叫咗花雕醉雞鍋同沙嗲鍋，花雕醉雞鍋好有藥材既味道，用黎打邊爐真係好特別
調味料有好多選擇，一定有一款你係會喜歡，自己混醬
頂級安格斯牛頸脊，牛肉既花紋好靚，又新鮮，肉質細緻結實，且肥瘦適中，食完想叫多一碟呀
七星報喜，賣相吸引，咬咗一啖其實都係墨魚丸，染上顏色令到賣相更加特別
鮮蝦水餃，餡料足料，鮮蝦大大隻又彈牙，飽實多汁。手打墨魚丸，表面光滑，口感彈牙，又夠大粒
牛栢葉，依家好難食到黑色既牛栢葉啦~爽口，一Ｄ都唔韌
打邊爐又點少得竹蔗茅根水呀~不過就真係麻麻，唔凍既，唔覺得飲緊竹蔗茅根水冇咩味道。
紫貝天葵茶聽同事講都係麻麻
酒鍋
地址: 尖沙咀天文台道8號2樓1號舖
0 意見:
張貼留言