Signature Double Cheese Burger，漢堡包一睇到勁多芝士已經食慾大增，裏面兩塊牛肉咬落去好有肉汁混埋入面d醬都唔會蓋過牛本身既味道。漢堡包面非常鬆軟，咬落去會自己彈返起身。
Chicken Buger，雞肉既外層薄薄口感有d脆炸得剛好，而雞裏面唔會太干咬落有肉汁。如果又加埋芝士就好啦~配上醬汁，新鮮既生菜、蕃茄、酸瓜同埋洋蔥一齊食口感滿分。
我地仲每人都加左30蚊多咗個薯條，呢到既薯條真係超好食，薯條幼身好脆，夠熱一定係剛剛炸起，一份既份量都好多，真係食唔哂。
Buffalo Wings，一入口有點酸味但突然會湧左d辣味出黎，開胃得黎又有d刺激，令人想一食再食
飲品方面如果想飲mike shake 就要加多30蚊啦~由於我想試下所以叫咗杯cookies & cream mike shake面層有好多忌廉夠哂creamy，唔算好甜，奶昔香滑
估唔到酒吧都有咁出色既漢堡包食，下次可以再食多次，試下其他既款式。
Burger Joys
地址: 灣仔駱克道42-50號君悅居地下E舖
0 意見:
張貼留言