我地book 咗6:30pm， 可能時間仲係好早，上到去仲有好多位，過咗半個鐘人流開始多好快就滿座啦~想食最好都係book定位好D，唔係就要等下啦~
店內環境好舒服，唔會好迫。食物選擇種類好多，多到唔知食邊樣....真係想全部都叫呀
一開始諗住叫佢地既人氣刺身盛盤，但係朋友有D唔食所以我地散叫刺身，三文魚腩，三文魚同帶子，送到黎佢地既賣相好吸引呀~全部都係大大件厚切又肥美仲要好新鮮，帶子鮮甜
最吸引既一定係芒果花之戀 love 即叫即做，餡料多到要爆了，碟上面用芒果醬做裝飾再放上幾粒超甜芒果肉，花之戀最上層放左大量蟹子同沙津。三文魚腩特長壽司，又長又肥美。
牡丹蝦壽司，好大隻牡丹蝦，非常鮮嫩，而且肉質好甜又彈牙
焗芝士肉醬茄子，芝士多到滿晒，芝士怪一定愛食。日式餃子普普通通~但勝在份量都多
泡菜雞翼，炸得香脆嫩滑，唔夠泡菜味有少少遜色~不過加上醬汁一齊食感覺好特別
軟殼蟹手卷，暖暖的壽司飯包住炸到香脆的軟殼蟹，一軟一脆的口感特別美味再加上少許七味粉，食既時侯有少少辣，我都係第一次食加左七味粉既軟殼蟹手卷好想再叫多份
鐵板牛肉粒粒燒，牛肉粒煮得啱啱好又唔靭，配上焗薯蓉，絕對令你食到不停口
不得不說個菠蘿雪芭，夏天食勁消暑，淡淡濃縮香甜的菠蘿味！
七福神和食亭
地址: 佐敦彌敦道311-313號1樓
0 意見:
張貼留言